გთავაზობთ ახლახანს დასრულებული მატჩის მიმოხილვას. უეფას ევროპის ლიგის მეთექვსმეტედფინალის შეხვედრაში "უნირეამ” "ლივერპულს” უმასპინძლა.
შეგახსენებთ, რომ ერთი კვირის წინ ამ გუნდების დაპირისპირება "ენფილდზე” მასპინძელთა მინიმალური ანგარიშით დასრულდა და ბუქარესტსაც ფავორიტის სტატუსით ესტუმრა "ლივერპული”.
რაფაელ ბენიტესმა ტრავმამოშუშებული იოსი ბენაიუნი ძირითად შემადგენლობაში დააყენა.
დანიელ აგერისთვის კი ეს მატჩი საიუბილეო იყო "ლივერპულის” მაისურით. მან მე – 100 -ე შეხვედრა ჩაატარა ყველა ტურნირზე.
მატჩი საკმაოდ საინტერესოდ დაიწყო. მასპინძლებმა უკვე მე -2 წუთზე განახორციელეს პირველი დარტყმა, რომელიც პეპე რეინას კარს ზემოდან გადაცდა. თუმცა, ერთ წუთში სტუმრებმა შეტევითვე უპასუხეს. სტივენ ჯერარდის შესანიშნავი დარტყმული კიპერმა მოიგერია. აუცილებლად უნდა ავღნიშნოთ ის ფაქტი, რომ მინდორი იყო ძალიან ცუდ მდგომარეობაში.
ამის შემდეგ "ლივერპულმა” ბურთზე კონტროლი დაამყარა, რასაც გამაყრუებელი სტვენით პასუხობდა ტრიბუნები. მასპინძლებმა მე – 19 წუთზე კუთხურის უფლება მოიპოვეს. ჩაწოდება და… გოლი! ბრუნო ფერნანდესმა მცველების აშკარა შეცდომით ისარგებლა და თავური დარტყმით გახსნა ანგარიში.
ამის შემდეგ თამაში საკმაოდ ხისტი გახდა. მე -20 წუთზე რაიან ბაბელმა მიიღო გაფრთხილება. 30 – წუთზე სტუმართა შეტევის დროს არგენტინელმა ხავიერ მასკერანომ უძლიერესი დარტყმით გაათანაბრა ანგარიში.
41 – ე წუთზე სტივენ ჯერარდის მიერ ჯარიმიდან ჩაწოდებული ბურთი რაიან ბაბელმა მიიღო და ახლო მანძილიდან დალაშქრა მასპინძელთა კარი.
57 – წუთზე კი ამ მატჩში მესამე (და როგორც საბოლოოდ გაირკვა) უკანასკნელი გოლიც ვიხილეთ სტუმართა შესრულებით. ბენაიუნმა მეტოქის საჯარიმოში კარგად ითამაშა და მისგან მარცხნივ მყოფ ჯერარდს უპასა, რომელმაც მიზანს არ ააცილა.
ხისტი თამაში კვლავ გრძელდებოდა. მე – 60 წუთზე ხავიერ მასკერანომაც დასტყუა ყვითელი ბარათი შეხვედრის მთავარ არბიტრს. 62 – წუთზე რაფა ბენიტესმა ცვლილება განახორციელა. ჯეიმი კარაგერი მარტინ კელით შეცვალა. ორ წუთში კი მარტინ შკრტელმა მიიღო ტრავმა, რომელიც როგორც ჩანს, საკმაოდ მძიმეა. ჯერჯერობით არ არის ცნობილი, თუ რა სირთულის ტრავმა მიიღო მან. ტრავმირებული სოტირიოს კირგიაკოსმა შეცვალა.
77 – წუთზე იოსი ბენაიუნი ფაბიო აურელიომ შეცვალა. რაფაელ ბენიტესი სწორად მოიქცა, რომ ტორესი მინდორზე არ შეუშვა და დაასვენა. ამის არანაირი საჭიროება არ იყო, თანაც მოედანზე ისეთი ორთაბრძოლები იყო, არ ღირდა გარისკვა…
ბოლო წუთებში სტუმრები აკონტროლებდნენ ბურთს და სასურველი ანგარიშით დაასრულეს შეხვედრა.
რაც იმას ნიშნავს, რომ "ლივერპული” უეფას ევროპის ლიგის მერვედფინალში გავიდა.